Հաճախ մարդիկ չեն էլ կասկածում, որ ծխախոտը
կարող է առաջացնել ատամների և լնդերի ախտահարումներ: Որպեսզի ատամները առողջ լինեն
նրանք պետք է շրջապատված լինեն առողջ լնդերով: Իսկ ծխելու հետևանքով ախտահարվում
են լնդերը:
Ին±չ է իրենից
ներկայացնում լնդային հիվանդությունը
Լնդի ախտահարումը սկսվում է լնդային եզրից: Այդ
հատվածում լինդը կարմրում է, այտուցվում, ատամները լվանալուց առաջանում է
արյունահոսություն (գինգվիտ): Հիվանդության զարգացման հետ, լինդն ու ոսկրային
հյուսվածքները դադարում են ամուր գրկել ատամը, մերկանում է ատամի արմատը,
առաջանում է ատամի հենապահողական ապարատի քայքայում (պարոդոնտիտ): Որը բերում է
ատամի շարժունակության և նրա հեռացման: Լնդային հիվանդությունները կարող են
ատամների կորստի պատճառ հանդիսանալ:
Ի±նչ ազդեցություն
ունի ծխելը լնդի վրա
Պետք է հիշել, որ ծխելը քողարկում է լնդային
հիվանդությունների նախանշանները, քանի որ լնդային ախտահարումները չունեն ցավային սիմպտոմներ:
Նրա վրա սկսում են ուշադրություն դարձնել այն դեպքերում երբ լնդերը սկսում են արյունահոսել,
և դա մարդկանց անհանգստության պատճառ է հանդիսանում, նրանք դիմում են բժշկի:
Նիկոտինը իջեցնում է լնդային արյունահոսությունը, դրանով քողարկելով գինգվիտի վաղ
նախանշանները այնքան ժամանակ մինչև առաջանում է պարոդոնտիտ և լնդերի լիովին
առողջացումը դառնում է անհնար:
Ճի±շտ է որ ծխողները
ատամները ավելի շուտ են կորցնում
Բազմաթիվ երկրներում հետազոտությունները ցույց
են տվել, որ միևնույն տարիքային խմբում ծխողների մոտ ավելի հաճախ է առաջանում
ոսկրային հյուսվածքի կորուստ, ատամների շարժունակություն, նրանց հետագա կորստով:
Ինչո±վ կարող է օգնել
ստոմատոլոգը
Եթե դուք ծխող եք ապա ավելի հաճախ պետք է դիմեք
ատոմատոլոգի, քանի որ լնդային հիվանդության նախանշանները ծխողների մոտ լինում են
քողարկված, իսկ ստոմատոլոգի կողմից վաղ դիագնոստիկան կօգնի կանխարգելել և
հեշտությամբ վերացնել առաջացող խնդիրները:
